Kumpulan Lirik Lagu Daerah Banjar

PARIS BARANTAI

Kota baru gunungnya bamega
Bamega umbak manampur disala karang
Umbak manampur disala karang
Batamu lawanlah adinda 
Adinda iman didada rasa malayang
Iman didada rasa malayang

Pisang silat tanamlah babaris 
Babaris tabang pang bamban ku halangakan 
Tabang pang bamban ku halangakan 
Bahalat gunungnya babaris
Babaris hatiku dandam ku salangakan 
Hati ku dandam kusalangakan

Burung bintri batiti dibatang
Titi batang dibatang buluh kuning manggading
Dibatang buluh kuning manggading
Malam tadi bamimpilah datang
Mimpi datang rasa bapaluk lawan si ading
Rasa bapaluk lawan si ading

Kacilangan lampulah dikapal 
Dikapal anak walanda main kumidi
Anak walanda main kumidi
Kasiangan guringlah sabantal
Sabantal tangan kadada hidung kapipi
Tangan kadada hidung kapipi
======================================
Baras Kuning

ka’ bulik pang satumat
Bulik pang satumat
Lawasnya ulun mahadang
Pian maninggalakan kampung halaman
Kapapurunan

ka’ bulik pang damini
Bulik pang damini
Ulun basakit hati
Pian nang ulun tangisi
Kada sakira diri ulun marista

Pian datang ulun sambut lawan mayang
Ulun hamburi baras
Si baras kuning

Kur sumangat dimuhara lawang

======================================
Ampat Lima

Ampat si ampat lima ka ae...
Kuriding patah
Patah sabilah
Patah sabilah dihiga lawang
Ampat si ampat lima ka ae...
Kutanding sudah
Kada manyama
Kada manyama nang baju habang

Banyak sudah nang maantar tapih
Salambar – lambar kada bakain
Banyak sudah urang nang mamilih
Juduhnya kada kalain

Ampat si ampat lima ka ae...
Kuriding patah
Patah sabilah
Patah sabilah dihiga tajau

Ampat si ampat lima ka ae...
Kutanding sudah
Kada manyama
Kada manyama nang baju hijau
======================================
Kambang Goyang
Cipt. H. A. Ardiansyah
Surui kambang,,,kambang malati
Pakaiakan di malam arba,,,
Kambang goyang di ujung galung
Pangantennya sudah batimung,,,
Ooo,,,,,ooo,,,,,

Waktu raja duduk basanding,,,
Kambang goyang di ujung galung,,,
Amas murni pakaian putri
Adat kawin urang bahari,,,
Ooo,,,,,ooo,,,,,

# Reff :
Uraiakan mayang nang sakti,,,
Umpatakan balarut banyu,,,
Adat raja bamandi – mandi,,,
Ooo,,,,,ooo,,,,,

# Back to Reff
======================================
Uma Abah
Cipt. H. A. Ardiansyah

Hari panas manggantang
Matahari manggantang panasnya manggantang
Rasa rakai tulang iga sampai ka pinggang
Mangilik nanang, galuh caramin matanya
Uma batulak, mancariakan rajakinya

Guntur kilat basambung
Ujan labat arus daras wan galumbangnya
Awak basah kadinginan di tangah sungai
Abah malunta, baluman tantu pakulihnya
Abah batulak, mancariakan rajakinya

Uma, mun bulih sakit uma kugantiakan
Lawan sagala pahalaku
Abah, mun bulih paluh abah kugantiakan
Lawan sagala amalku
Uma Ratu'ai
Abah Raja'ai
(Korus)

Ya Allah Ya Robbi
Kucium batis uma nang manyayangi
Kucium tangan abah nang malindungi
Ampuniakan dosa uma wan abahku
Ampuniakan dosa uma wan abahku

(Ulang korus)

Allahumma Allah
Robbighfirli wali waa lidayya 2x
Ampuniakan dosa uma wan abahku 2x

======================================
Ampar-Ampar Pisang
Cipt. Hamiedan AC

Ampar-ampar pisang
Pisangku balum masak
Masak sabigi, dihurung bari-bari 2x
Masak sabigi, dihurung bari-bari 2x

Manggalepak, manggalepok
Patah kayu bengkok
Bengkok dimakan api,
apinya kakurupan
Bengkok dimakan api,
apinya kakurupan
Nang mana batis kutung, dikitip bidawang 2x

Jari kaki sintak, dahuluakan masak 2x

Ampar-ampar pisang
Pisangku balum masak
Masak sabigi, dihurung bari-bari 2x
Masak sabigi, dihurung bari-bari 2x

Mangga ricak, mangga ricak
Patah kayu bengkok
Tanduk sapi, tanduk sapi, kulibir bawang 2x

======================================

Share :